Presidenti i Serbisë, Aleksandar Vuçiq, gjatë një adresimi ka folur për arrestimin e ish-pjesëtarit serb të Policisë, Dejan Pantiq në veri të Kosovës.
Vuçiq këtë veprim e ka qujatur si “të pamatur”, duke thënë se ai deri vonë ka qenë pjesëtar i Policisë së Kosovës.
“E akuzojnë për terrorizëm dhe këto janë gjërat që ata po i bëjnë për popullin tonë”, tha Vuçiq.
Po ashtu bëri të ditur se do t’i drejtohet KFOR-it me kërkesë për lejimin e dislokimit të trupave ushtarake dhe policore serbe në Kosovë.
“Ne u dakorduam sot për tekstin që t’i dërgojmë një kërkesë komandantit të KFOR-it, në përputhje me Rezolutën 1244 për të siguruar dislokimin e pjesëtarëve të ushtrisë dhe policisë serbe në territorin e Kosovës dhe Metohisë, dhe vendimi i Qeverisë [për këtë çështje] do të merret të hënën ose të martën deklaroi Vuçiq.
Më tej foli edhe për kërkesën e Kosovës për të aplikuar për pranim në Bashkimin Evropian.
Sipas tij, kjo është shkelje e marrëveshjes së Washingtonit.
“Pishtina e ka shkelur marrëveshjen e Washingtonit, dhe me 15 dhjetor do të bëjnë kërkesë për pranim në Bashkimin Evropian. Unë i kam dërguar letër presidentëve të pesë shteteve që nuk e kanë njohur Kosovën, që në këtë rast, për aplikim mund të bëjnë vetëm vendet që janë të pranuara ndërkombëtarisht,e të tjerët”, u shpreh Vuçiq.
