Policia e Kosovës ka bërë të ditur se bnjë punëtor i një kompanie të sigurimit ka pësuar lëndime pasi ai bashkë me dy kolegë të tij janë sulmuar me armë zjarri nga persona të panjohur.
Sulmi sipas Policisë, ka ndodhur derisa viktimat ishin në vendin e tyre të punës.
“Viktima mashkull kosovar punëtor i kompanisë së sigurimit, ka pësuar lëndime pasi që i njëjti së bashku edhe me dy punëtor të kompanisë, nga të dyshuar deri më tani të pa njohur janë sulmuar me armë zjarri derisa ishin në vendin e tyre të punës. Viktimës për shkak të lëndimeve, i është ofruar tretman mjekësor në spitalin rajonal. Të dyshuarit janë larguar në drejtim të panjohur, ndërsa njësitet policore janë duke ndërmarr veprimet e nevojshme hetimore”, thuhet në njoftimin e Policisë
