Shërbimi Spitalor Klinik dhe Universitar i Kosovës ka konfirmuar rastin e vdekjes së një gruaje në oborrin e QKUK-së pasditen e sotme.
Sipas njoftimit në Facebook, SHSKUK bën të ditur se rreth orës 18:00 në oborrin e QKUK-së ka ndodhur një vdekje.
“Organet policore menjëherë kanë dalë në vendin e ngjarjes si dhe dyshimet e para nga Policia janë se bëhet fjalë për vrasje.
Policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim të sqarimit të plotë të ngjarjes”, thuhet në njoftimin e SHSKUK-së.
