Disa shpërthime raportohet të kenë ndodhur të martën në mesditë në objektin e Komunës së Zubin-Potokut në veri të Kosovës, në momentin kur zyrtarë të Komisionit Komunal Zgjedhor, kanë tentuar të hyjnë në objekt. Po ashtu, edhe zyra e KKZ-së në Mitrovicën e Veriut është demoluar.
Mësohet se menjëherë janë lëshuar alarmet e rrezikut.
Institucionet përgjegjëse nuk kanë konfirmuar asgjë edhe pse KOHA ka tentuar t’i kontaktojë Policinë, Ministrinë e Punëve të Brendshme dhe KQZ-në.
