Në Serbi tre nxënës kapen me lista të shokëve që dëshirojnë t’i vrasin

Në tri shkolla në Serbi, nxënësit kanë bërë listat e nxënësve që do të vrasin, ka konfirmuar Ministria e Punëve të Brendshme e Serbisë për mediat e atjeshme.

Të gjithë ata janë ndaluar së bashku me prindërit e tyre dhe janë denoncuar nga nxënësit dhe prindërit e tjerë.

 

Një nga tre shkollat ​​është shkolla Despot Stefan Lazareviq në lagjen Mirijeva e Beogradit, dhe nëna e njërit prej nxënësve i dërgoi një letër nga administrata e shkollës mediave serbe, duke komentuar se prindërit janë të mërzitur dhe se shumë nuk do t’i dërgojnë fëmijët në shkollë.

Siç tha ajo, u strehua me familjen e saj në një shtëpi verore jashtë Beogradit.

“Ju bëj me dije se në datën 08.05.2023, në orët e mëngjesit gjatë orës së 4-t, një nxënës i shkollës sonë ka bërë një listë të nxënësve “të cilët dëshiron t’i vrasë”.

“Për ngjarjen jemi njoftuar nga mësuesja e lëndës e cila ka sjellë nxënësin në zyrën e drejtorit. Menjëherë thirrëm policin e shkollës dhe nxënësi u intervistua në prani të pedagoges, ndihmësdrejtoreshës dhe drejtorit të shkollës”, thuhet në letrën që ka marrë nga prindërit.

 

Listat janë bërë edhe nga dy nxënës të klasës së 5-të në shkollën fillore Bora Stankoviq në Vozhdovc, si dhe një nxënës nga një shkollë në Bajina Bashta. /Telegrafi/

LEAVE A REPLY

Please enter your comment!
Please enter your name here