Kryeministri i Kosovës, Albin Kurti, ka thënë se, strukturat paralele të kontrolluara nga Serbia në komunat veriore të Kosovës, nuk e lejojnë faturimin e energjisë elektrike dhe pengojnë zbatimin e një marrëveshje energjetike të arritur në dialogun e 10 viteve më parë, shkruan Gazeta Metro.
Kurti, ka deklaruar kështu me anë të një postimi në Twitter, ku ka thënë edhe se këto struktura u kanë kushtuar qytetarëve dhe taksapaguesve në pjesën tjetër të vendit 320 milionë euro në faturat e papaguara të energjisë dhe 17 milionë euro në faturat e furnizimit me ujë nga viti 1999.
Strukturat paralele nuk lejojnë faturimin e energjisë elektrike dhe pengojnë zbatimin e një marrëveshjeje energjetike të arritur në dialogun e 10 viteve më parë. Pa nxitje për të kursyer, konsumi në këto bashki u rrit me 70+% në një dekadë, pjesërisht për shkak të kultivimit të drogës dhe kriptominimit’’, ka deklaruar Kurti.
I pari i qeverisë ka thënë edhe se, Kosova ka humbur edhe 300+ milionë euro për shkak të veprimeve të Serbisë, si mbajtja e tarifave të transmisionit dhe detyrimi i tregtarëve që t’i paguajnë TVSH’në Serbisë për tregtinë tonë të energjisë elektrike.
‘‘Që nga viti ’99, Kosova ka humbur edhe 300+ milion euro për shkak të veprimeve të Serbisë, si mbajtja e tarifave të transmisionit dhe detyrimi i tregtarëve që t’i paguajnë TVSH-në Serbisë për tregtinë tonë të energjisë elektrike. Edhe tani, refuzimi i Beogradit për të lejuar tregtinë në Kosovë-Serbi i kushton Kosovës deri në 10 milionë euro në muaj’’, ka shtuar ai.
Më tej, kryeministri ka vijuar duke thënë se për këto padrejtës nuk kanë faj qytetarët në komunat veriore.
Kryeministri ka deklaruar edhe se, qeveria është e përkushtuar për të përmirësuar cilësinë e jetës së të gjithë qytetarëve të Kosovës.
‘‘Ata kanë të drejtë të kenë akses në shërbime të tilla dhe të jetojnë të lirë nga krimi i organizuar, presioni dhe kërcënimet nga strukturat ilegale të udhëhequra nga Serbia. Qeveria ime është e përkushtuar për të përmirësuar cilësinë e jetës së të gjithë qytetarëve të Kosovës dhe për t’u ofruar atyre lirinë, sigurinë dhe sigurinë që meritojnë’’, ka përfunduar Kurti.
