Policia e Kosovës ka njoftuar se një person i panjohur në Gllogoc kishte shtënë me armë zjarri në drejtim të një veture e cila ishte e parkuar dhe brenda në veturë kishte njerëz
Siç njofton policia në vendin e ngjarjes janë gjetur gjashtë gëzhoja të armës dhe një predhë.
Rasti është iniciuar si vrasje në tentativë dhe armëmbajtje pa leje.
”Gllogoc 20.12.2022 – 00:20. Është raportuar se një person i panjohur kishte shtënë me armë zjarri në drejtim të një veture e cila ishte e parkuar dhe brenda në veturë kishte njerëz. Në vendin e ngjarjes janë gjetur 6 (gjashtë) gëzhoja te armës, dhe një predhë.
Është identifikuar njëri nga të dyshuarit i cili është intervistuar. Në lidhje me rastin është konsultuar prokurori i shtetit, rasti vazhdon të hetohet nga njësitë relevante,” thuhet në raportin 24-orësh të PK’së.
