Fushata e Serbisë për të ekzagjeruar e eskaluar situatën në Veri u ndez edhe sonte me pretendime se Kosova do të sulmojë nesër me trupa në barrikada dhe tani me urdhër të presidentit Aleksandar Vucic policia serbe është në gatishmëri luftarake të plotë, transmeton Gazeta Metro.
Këtë e bëri të ditur ministri i punëve të brendshme të Serbisë, Bratislav Gasic, në një komunikatë të hënën në mbrëmje.
“Në përputhshmëri me urdhrin e presidentit të Republikës dhe komandantit suprem të Ushtrisë dhe forcave të forcave të armatosura të Serbisë, kam urdhëruar ngritjen e gatishmërisë së plotë të të gjitha njësiteve të Ministrisë së Punëve të Brendshme, Xhandarmërisë, Njësitit Special Kundër Terrorizmit dhe Brigadës së Policisë. Ata do të vendossen menjëherë nën urdhrat e konandantit të shtabit të përgjithshëm dhe të vendosen në pozicionin e parashikuar me planin operativ” ka thënë Gasic.
Presidenti serb Vucic para këtij lajmi kishte dalë me një video në Instagram ku kishte pretenduar se Kosova ka rritur gatishmërinë luftarake dhe këto masa janë reagim ndaj kësaj.
Para Vucic një media e afërt me të, Vecernje Novosti, kishte dalë me pretendim se përveq gatishmërisë luftarake ka edhe plan për të sulmuar në Veri nesër me rreth 1500 trupa speciale në Kosovë. Këtë pretendim Novosti ka shkrua ta ketë mësuar jo zyrtarisht nga qarqe jo zyrtare të afërta me KFOR.
