Çka u gjet në vendin e ngjarjes? Policia del me detaje shtesë për vetëvrasjen e Sokol Halilit

Policia e Kosovës ka dhënë detaje shtesë mbi vetëvrasjen e të dyshuarit për vrasjen e ish-gruas së tij shtatzënë, Sokol Halili.

Në raportin 24 orësh, policia thotë se gjithçka ka ndodhur gjatë aksionit për arrestimin e tij, teksa zyrtarët policor po negocionin dorëzimin e tij.

Policia thotë se gjatë intervenimit, është arritur që të largohen anëtarët e familjes nga shtëpia, teksa i dyshuari Halili nuk ka pranuar negocimin me policinë dhe ka qëlluar veten me armë.

Njoftimi nga Policia në raportin 24 – orësh lidhur me rastin:

Njësitë policore kanë zhvilluar një aksion për arrestimin e të dyshuarit  kosovar lidhur me rastin vrasje. Gjatë intervenimit është arritur që të largohen anëtarët e familjes nga shtëpia, ndërsa i dyshuari nuk ka pranuar negocimin me policinë dhe ka qëlluar veten me revole.

Vdekjen e viktimës e ka konstatuar ekipi mjekësor. Në vendin e ngjarjes është gjetur dhe konfiskuar një pistoletë me një karikator pa fishekë dhe një predhë. Përveç njësive të nevojshme policore në vendin e ngjarjes ka dalë edhe prokurori. Me vendim të prokurorit trupi i pa jetë është dërguar në IML për obduksion.

LEAVE A REPLY

Please enter your comment!
Please enter your name here